Thursday 5 November 2015

歡迎黑裡媽咪

記得上回的儍婆敗家記嗎?那時真的有點兒死心,以為注定我永遠不會擁有黑咪。

但世事無絕對,哈哈哈,黑咪終於進駐我家了!!!

上星期四至六這邊的LC年度開倉,但哥哥最後一科考試是星期五,所以星期四不能去。居然星期四我又開始發燒喉嚨痛,醫生給了兩日病假。心想:發達囉,星期五日間可以去買。

但到星期五朝早,人仍然病得有點渾渾噩噩,實在不敢開車去了,而且下午仍然要回公司開會(冇法,病都要去,重要會議)。好吧,今次開倉去不了,等明年吧。

星期六大清早就去了幫朋友搬屋,搬好後朋友想請我們食飯答謝。靈機一觸,"你們剛搬家,要買新鍋吧?" 於是一行四人去SUNTEC的LC開倉了。

今次我的目標明確,只是要買一個20cm 煲。沒想到要買黑咪,因為以往開倉都沒見過有黑咪 (除了一次見過一個極細的)。選好了顏色,正要付錢,突然想到不如問問sales有沒有黑咪。 真的有呢!不過只有32cm 黑色的。Sales一直叫我千萬不要放下,最後幾個了,放下就沒有了。

20 cm round oven 還是32 cm 黑咪呢?價錢差一倍。難得有緣,黑咪,你就跟我回家吧。由Daddy碌卡,呵呵,謝謝老公的聖誕+結婚週年+。。。的禮物了。

我這種老婆很容易養的,不用鑽戒寶石,買個煲給我就夠了。

黑色其實都好型,反正打算用來當鑊用,黑色刮花也沒那麽心痛啦。



很深很大。
買到它後,那晚瞓着都識笑呀!

來個LC鍋大曬冷,可恨我只有週末才有機會煮飯,所以這些鍋子很少用。平常姐姐煮我不想給她用,怕她不小心鍋掉在地上連我的地板都砸破。不過,這黑咪打算開光以後就不收起來,每天用來炒菜。



除了LC,其實我還有一個Fontignac 的鑄鐡鍋,前面藍色的那個。 之前超市可以用分再加錢換購的,比LC 平一大截。用起來也不錯,只是一分錢一分貨,手工明顯差一點,鍋口會生銹的。

既然把鍋都搬出來影相,就用紅色27cm oval 來煮海南雞飯,順便教姐姐浸雞。 上次她自作聰明煮雞飯,將雞用細火煲足半個鐘,雞烚至甩皮甩骨,飯沒味道,雞更是又乾又硬,囝囝們邊吃邉說難食。

我的LC浸雞方法: LC內加水,煲滾後,手執雞頸將雞放入,用湯勺將熱水灌入雞腔內,然後雞胸向下,轉最細火,加蓋煮五分鐘,開蓋,將雞反轉,加蓋再煮五分鐘,熄火,不要打開蓋,計時三十分鐘後就可以將雞取出。用竹籤刺入如沒有血水流水即代表熟。立刻將雞浸入冰水中,雞降温後取出,表面搽上些少麻油,即可斬件食用。

我買的是本地超市的甘榜雞, 一隻大約1-1.2kg (一斤十兩至兩斤).  雞大點或細點的要酌量加減浸雞時間.


用LC煲浸的雞非常嫩滑多汁的,囝囝們食個不停呀。

簡易海南雞飯做法

14 comments:

  1. 睇你講都feel到你有幾興奮。

    ReplyDelete
  2. 買到心頭好真興奮,但32cm都好重,用時都要好用力

    ReplyDelete
  3. 你好搞笑~放病假放得咁興奮~!!

    ReplyDelete
  4. 瞓着都識笑...我了解我了解,哈哈哈!

    ReplyDelete
  5. 哈哈, 買到心頭好真係特別興奮 :) 下次試吓你個浸雞方法先 ;)

    ReplyDelete
  6. 終於同佢有緣有份囉。。。

    ReplyDelete

Related Posts Plugin for WordPress, Blogger...