Tuesday, 24 February 2015

2015 團年飯 (附醉豬脷食譜)

今日年初六, 先祝各位
羊年快樂! 
吉祥如意!
心想事成!
身體健康!

今年初一剛好星期四,兩日公眾假期再加週末,連休了四日, 真開心.

雖然有四日假期, 但我由年廿九就開始日日煮到年初四. 

沒辦法, 作為唯一的新抱, 娘家又不在這邊, 煮飯任務只有我一個人做. 

今年團年飯八餸一湯, 我們一家加上奶奶和一個學生一起吃. 

發財好市, 今年煮得好味.


和上年一樣的冬菇炆鮮鮑魚海參扒生菜, 今年加了乾瑤柱來炆, 超正!  鮮鮑魚照大師奶的煮法來炆, 因為要炆四個鐘再浸過夜, 所以年廿九就要先煮了.

南乳花生炆豬手, 煮了一煲, 但只拿了幾塊來撐場面, 其餘入冰箱以後食.

白切雞
茄汁大蝦, 今年買到好大隻又新鮮的蝦.

走完全個街市才找到一條新鮮又細條的黃臘鯧.
在超市見到有豬脷賣, 從來未煮過, 因為感覺有點噁心.  但又很想試煮, 於是小試牛刀, 買了一條細的, 用來煮醉豬脷.
新年要有蓮藕, 於是買了一小截來來涼拌.  另外再弄了涼拌茄子, 成了涼拌雙拼.
還煲了霸王花蜜棗無花果瘦肉湯, 又甜又潤.

醉豬脷
材料: 豬脷, 花椒 少許, 薑兩片, 蔥一條
做法:
1. 豬脷放入滾水中煮幾分鐘, 取出刮走脷衣.
2. 煲內加水, 放入花椒, 薑和蔥, 水滾後加入豬脷, 待水再滾後大火煮十五分鐘, 關火焗半小時.
3. 開火, 待水滾後轉中火煮十五分鐘, 關火焗半小時.  重覆至豬脷夠淋, 我重覆了一次, 最後一次關火留豬脷在煲內, 直至水温下降至室温.
4. 取出豬脷, 切開成大塊. 煲豬脷的湯汁隔去薑, 蔥和花椒, 加入適量清水, 鹽, 魚露和糖, 待完全涼透, 最後加入花雕酒, 便成為浸豬脷用的酒滷.
5. 豬脷放入酒滷內浸過夜, 切片上碟, 淋上少許滷汁即可供食.

註: 鹽, 魚露和糖的份量隨個人口味, 但湯汁要稍鹹浸出來的豬脷才夠味.

18 comments:

  1. 祝妳心想事成!身體健康!
    我今年大罷工,只煮兩餐,哈哈哈!

    ReplyDelete
    Replies
    1. 你就好啦, 我煮足咁多人呀!

      Delete
  2. 祝 新一年 萬事如意, 心想事成, 大吉大利......恭喜發財

    ReplyDelete
    Replies
    1. 多謝! 祝你新年快樂, 身體健康!

      Delete
  3. Luyi, 祝新年快樂!! 心想事成!!
    嘩!! 好開心呀!! 雖然係煮得辛苦, 但我都好想試下煮俾好多人食!! 我未試過... (永遠最多只係2人飯菜..)
    我地細個咪有好多鯧魚嘅... 我阿媽話而家香港D鯧魚好貴... (泣)
    咁多個菜我最想食豬手... 因為我唔識煮豬手, 所以好幸食!!! ^_^

    ReplyDelete
    Replies
    1. 我記得細個時屋企間中會蒸白鯧, 大黑鯧就用嚟煎, 好似啲鯧魚都好大條下, 但家陣只有去酒樓先食到大鯧魚, 平時街市見到嗰啲都好細條架, 唔好味. 好彩我由細到大都唔太鐘意食鯧魚, 所以都OK. 依家我只會買黃鱲鯧, 好味過黑鯧同白鯧.
      日本人食唔食豬手架?

      Delete
  4. Replies
    1. 一年一次團年飯, 要食好啲既.

      Delete
  5. Replies
    1. 我都怕架, 但為咗食, 我勇字當頭.

      Delete
  6. 你好叻,可以自己整豬脷,我就最怕刮脷胎

    ReplyDelete
    Replies
    1. 開始時都有啲驚, 不過後尾整時又OK喎.

      Delete
  7. 祝你日日喜羊羊,全年笑不停!
    我比較鐘意牛脷,豬脷冇咁香同滑

    ReplyDelete
    Replies
    1. 梗係牛脷好味啲啦, 不過唔見有得賣.

      Delete
  8. Replies
    1. 一年一次要食好啲既.

      Delete
  9. 嘩~好好餸呀!~個南乳花生炆豬手好吸引~好想食喔~!

    ReplyDelete
    Replies
    1. 團年飯嘛, 要食富啲. 啲豬手炆到皮QQ哋, 好鬼正.

      Delete

Related Posts Plugin for WordPress, Blogger...