Friday 27 October 2017

首爾親子自由行-Day5

停得越耐, 越提不起勁繼續寫.  翻看照片時, 發覺記憶已經開始有點模糊, 所以這篇不會寫太多細節.


12.06.2017

今趟去韓國每日都勁好天, 即係好熱呀.  這日我們去了愛寶樂園, 全日都好熱好曬, 不過囝囝們依然玩得好開心.

愛寶樂園離首爾有一段距離, 坐車去都幾遠.  可以坐普通巴士, 地鐡, 特定旅遊巴士, 想更舒服方便又不介意俾錢的當然可以包車或的士.  交通詳情可以去愛寶樂園網站查看.

坐普通巴士要先坐地鐡又未必有位坐, 所以帶住小朋友都不考慮了.  地鐡要轉三次車, 車程好長, 算了. 剩下shuttle bus, 上網找資料時, 發現有好多shuttle bus package, 包來回巴士和入場卷, 價錢比官網上的入場卷價錢便宜一截.  而且上落車地方亦好方便, 在首爾站, 明洞等都有pick up point.  我們住首爾站附近, 當然就選在首爾站上車.  我從Funtastic Korea買的.

朝早9.20上車, 不用太早起床.  車程大概50分鐘左右, 不過落車地方只是一個停車場, 還要再坐免費的Everland Shuttle Bus先去到入口處.  要記住落車時是那一個停車場, 因為那裏有幾個停車場的, 回程時要坐對的shuttle bus回到同一個停車場坐回程巴士.

坐shuttle bus算快又方便, 不過回程時間是6.30pm.  因為要先坐接駁巴士去停車場才能到回程車士站, 建議還是預留半個小時以上, 所以最遲6pm就要去到出口.

最尾十點半左右去到愛寶樂園, 雖然是星期一, 都仍然好多人, 亦有好多本地學生, 是學校假期嗎?

十點半到, 六點就要走, 在園內時間並不多, 所以我們買了Express pass, 可以不用排隊優先玩最受歡迎幾樣的 (Amazon Express, T-express, Safari World, Lost Valley, Panda World).  我們在香港和新加坡都睇過熊猫, 所以沒買Panda World 的express pass.



先向Zootopia 進發, 途中見到不同的動物.


好可愛呀!

第一站是Amazon Express, 可能會濕身的.  哥哥頭上的傷口點算呢? 哈哈, 戴頂浴帽就掂啦, 外面加頂帽就不會太顯眼了.
呢個好玩呀!  貼心地有膠布可以蓋着身體, 只露出頭部, 理論上不怕濕身.  但實際上膠布有些有洞的, 水仍然可以入去.

當時人不算多, 我們先去排隊玩一次, 然後再用express pass玩多次.

然後我們去Safari World, 要坐這種巴士入去的. 

近距離見到老虎
裏面分開幾個區的, 老虎, 獅子, 熊等都是分開的, 出入每一區時都要經過兩道閘, 一道閘關上, 另一道閘才會開, 以防有猛獸走脫.
獅子們都好似好瘦, 不夠神氣.
小熊們玩的時候超得意.
細佬剛好坐對邊, 大熊就在身邊.
這隻熊被訓練過, 識得投籃, 之後還會擺pose定格給遊客影相. 這隻熊每日要為不知多少車的遊客表演. 感覺有點可憐.  其實safari不是應該是自然點的嗎? 需要安排這樣的表演嗎?

之後去Lost Valley, 這次是坐海陸兩用車, 車上有導遊, 不過講韓文的. 我好像是第一次見到駱駝.

車行入淺水中
司機伸手餵長頸鹿, 但可能每架車經過都餵一次, 長頸鹿們都好似無興趣食.
也有Flamingoes
好快又到午餐時間, 我們去了這個food court.
裏面有中, 日, 韓和意大利餐選擇.  望落日本餐最吸引, 所以我們都食日本餐.  價錢在這種amusement park來說不算貴了, 味道也不錯, 囝囝們都食晒成個餐.

然後到我最期待的T-express, 全球最長之一的木製過山車,其中有一段的斜度是77度,衝落去時勁刺激. 


哥哥不敢玩, 所以我和細佬去玩. 細佬膽大包天, 一啲都唔驚, 玩完一次仲唔夠喉要玩多次.  好彩我買了四張express pass, 第二轉換Daddy陪細佬坐. 

T-express 永遠排長龍的, 隨時要排一個鐘以上的, 鐘意玩過山車的, 我強烈建議一定要買express pass. 

四個attractions 的express pass 都用完了, 之後就去玩其他機動遊戲.  這個Space Tour是個4D機動遊戲, 幾好玩.

下晝有遊行, 不過我無興趣睇.
這個BB版的過山車就啱哥哥了, 他和細佬玩了無數次.
之前以為花園會好大, 可以影好多靚相, 原來係好細的, 有點失望, 不過啲花花都好靚.
有Thomas坐呀
在網上見到有人話回程巴士會好逼人, 可能要分開坐.  保險點, 五點幾就準備回程.  坐纜車回到入口附近. 雖然回程車票上寫着6.30pm, 其實有早一點的巴士的, 早到上車點可以坐早點的班車. 

我們七點前就回到首爾站了. 玩了一日, 不想找坐車去找吃的, 就在首爾站附近解決好了.

我們去了這間在首爾站11號出口 Gateway一樓的金明子蠔仔湯飯(김명자 굴국밥 전운점).  這店好像是連鎖的.  我上網見到都幾多韓國人提起這間餐廳.

之前在網上就是這碗蠔仔湯飯吸引了我. 石碗裝着的, 上桌時仍然滾住. 裏面有好多蠔仔, 幾大隻, 好鮮味. 這韓式的蠔仔粥較香港食到潮式的清淡點, 但我覺得好味.

我和Daddy都鐘意食蠔仔湯飯, 但囝囝們不肯食湯飯.  細佬叫了個海鮮煎餅, 好多好多海鮮, 亦好多蔥, 細佬食得勁開心.
哥哥無肉不歡, 叫了這碟三層肉, 28,000won, 將軍生蠔菜包肉抵食得多.
其實已經好多嘢食, 但Daddy仲要叫多碟煎蠔餅, 因為佢好鐘意食蠔仔的. 韓式蠔餅和潮式的差好遠, 基本上就是蠔仔沾雞蛋煎熟.  我自己都整過, 不過呢邊啲韓仔新鮮好味得多啦.

價錢牌掛在牆上, 不會韓文的阿珠媽會送上有中文的餐牌.


6 comments:

Related Posts Plugin for WordPress, Blogger...