Thursday 9 November 2017

首爾親子自由行-Day6

囝囝們考完試, 快要放假了, 我終於可以鬆口氣.

不過, 每年最討厭的年終工作評估要開始, 希望今年不會有麻煩case.

13.06.2017

這天我們很早就要起床, 因為要去踩江村鐡路單車. 起點是位於京春線金裕貞站(Gimyujeong)的Rail Park, 由首爾站坐地鐡要坐兩個小時, 轉兩次車才到.  我訂了十一點的鐡路單車(從Funtastic Korea 訂的) , 但要早半個小時去到, 所以八點左右就要起程.

開始時坐一號線地鐡都幾逼, 因為繁忙時間. 由回基站轉車之後就有位坐了.  坐足兩個鐘頭, 細佬都瞓着覺.

漫長兩個小時後, 終於到金裕貞站.  金裕貞是韓國的一個作家, 這站就是以他的名字來命名的.  這站好古色古鄉.


Rail Park 就在金裕貞站旁邊, 有些小食店.
要等半個鐘, 囝囝們玩這個來打發時間.

我們要踩的就是這種四人車.  四人車先出發, 然後才到二人車.  二人車好像是很搶手的, 情侣們要早點訂飛啊.

出發了! 邊踩邊欣賞兩邊的風景, 那天剛好不太曬, 還有點風, 很舒服.
哥哥拼命地踩, 想踩快點, 但其實也不能踩太快, 前面還有車的.

這位小朋友腳太短, 掂唔到pedals, 全程舒舒服服嘆世界.  大部份時間都是Daddy和哥哥兩個負責踩, 我專心影相影video.
途中會經過幾條隧道, 其中三條有特別音效燈光等的.

這條隧道裏面有噴火的, 經過時都幾熱.

半個鐘多少少就到中途站, 踩單車就到此為止了.  中途站有小食亭, 可以買點小食來消磿時間, 因為要等全部人到齊才可以上青春列車繼續行程.  鐡路旁邊有流動厠所, 但沒有厠紙也沒有水提供的, 可能是因為在山上沒有自來水吧.  我們唯有用自己帶去的飲用水來洗手.

等了廿幾分鐘後, 青春列車終於埋站, 可以上車. 最前一卡是open top 的, 後面就是有蓋的, 沒下雨我們當然選坐open top 的, 中途影了好多靚相呢.


十幾分鐘後就到達江村, 落車後要過橋行去對面, 再行一段路程才到停車塲上回程巴士.  沿路好像沒看到有指示, 我們都是跟着別人走的.  中途有個公厠, 但建議還是忍一忍去到金裕貞站才去吧.  因為如果走了這架回程巴士, 好像是要等至少一個鐘才有下一班.
回到金裕貞站大家都好肚餓, 由京春線的班車時間幾疏落(金裕貞車站時間表, 回首爾要看Final stop Sangbong的那邊), 所以食完午餐才坐車回首爾.  金裕貞站附近算幾荒蕪, 只有零星的幾座小建築.  網上大部份人都食炒辣雞, 因為這是春村地區, 而春村出名的是炒辣雞.  不過, Daddy和哥哥都怕辣, 不敢試.

好彩在金裕貞站對面就有間賣炸醬麵的中國料理餐廳.

我們是全餐廳內唯一的外國人, 其他顧客都是本地人, 但餐牌有齊中, 日, 英文的.
囝囝們都要食飯, 一人叫一碟炒飯, 炒飯旁還有炸醬的.  等食物時可以聽到廚房傳來的炒菜聲和爐頭聲, 好有鑊氣. 炒飯好香好味.
小菜就只有簡單的泡菜, 醃漬蘿蔔和生洋蔥.
我和Daddy都叫了炸醬面, 麵是QQ的, 炸醬味道不會形容, 都好幾好味.

食完午餐剛好上車時間, 先去慶熙大學醫院的急症室, 因為又到哥哥每兩日一次的洗傷口時間.

因為不是週末, 所以今次洗傷口很快.  洗完傷口後, 囝囝們又話要食嘢, 於是在回基站附近食刨冰和smoothie 做下午茶.  芒果好甜, 芒果狂哥哥食得勁滿足.
之後就帶他們去梨大逛逛.  由梨大站行去梨大途中就有一排小食檔, 買了一杯炸雞和年糕.  上次來時細妹買了辣的來食, 好味.  哥哥不能吃辣, 所以揀不辣的, 就是單純炸雞和年糕, 沒有醬汁的.  不過都仍然好味.
梨大必影之處

影幾張相後就去行街購物了.  當然主要是我買啦, 他們只是跟着逛. 經過Line shop, 囝囝們在裏面玩, 我就到地下層的Star 101逛, 可惜空手而回.  但最後仍然在梨大買了些skincare和幾件T-shirts, 也很滿足了.

細佬每次經過Line shop都要扮公仔的表情來影相, 每次都扮得好似架.

來到這次旅程最後一餐晚餐, 已經不知道要帶他們去那裏食了. 哥哥不愛湯類的, 人蔘雞湯, 一隻雞等都不用想了, 海鮮又因為他頭上的傷口不敢吃, 辣的也不可以, 燒肉, 菜包肉和豬腳都試了.  好吧, 去食烤鱔.  韓巢上推薦這家有二十年歷史的新川風川鰻魚, 由新村站行幾分鐘便到, 但位處小巷, 很容易行過頭.

店裏只有兩夫婦在經營, 老板娘負責招呼和上菜, 老板是主廚.
先來一堆配菜, 這裏只是一部份, 都是醃菜, 全部我都不喜歡.
我們叫了三條鰻魚, 兩條醬燒,  一條鹽燒.  鰻魚是先烤熟才上桌的.
那啡黑色的醬汁韓巢上說是用鰻魚骨和20多種蔬菜煮成, 不過個人覺得沒什麽特別.  醬燒鰻魚較好味, 鹽燒就較淡.

還有炸鰻魚骨, 我以為會好香口好脆, 但其實是完全沒調味的, 也不是卜卜脆的那種, 啃了兩條就放棄了.
居然有蕎頭!  跟餐還有不好喝的大醬湯.
燒鰻魚真的蠻貴的, 每條25,000 won, 這餐埋單就76,000won.

剛發現蘋果有介紹這間餐廳, 可以去睇睇.

6 comments:

  1. 踩單車活動,好似好好玩咁喎。

    ReplyDelete
    Replies
    1. 真係幾好玩, 不過地方遠咗啲, 同埋冬天玩應該會好凍.

      Delete
  2. Replies
    1. 你揾朋友一齊去, 佢哋踩, 你睇景囉.

      Delete
  3. 囝囝考完試你唔駛陪讀實輕鬆啲呢

    ReplyDelete

Related Posts Plugin for WordPress, Blogger...