Monday 21 September 2015

Oktoberfest@Swiss Club

人大了, 生日慶祝便越來越低調, 無謂諗起自己幾歲, 生日蛋糕亦免了, 免得囝囝們堅持插上幾十支臘蠋.  (上次奶奶生日, 囝囝們真的想插七十幾支)

今年沒有特別慶祝, 但剛好Daddy公司有特價門票去Swiss Club 的Oktoberfest, 於是就順便去食餐德國餐當慶祝.

第一次去這個Oktoberfest, 以為是在那裏的餐廳, 去到才知道原來那麽大規模, 是在一個超大型的臨時帳棚內的, 好多好多張枱, free seating 的.

食物是buffet style.


我們去完教會崇拜就趕去 (十一點開始), 早餐也沒吃, 一見到食物就每人狂掃了一碟.  這碟是我的, 一隻碟放不很多, 還有很多款都沒拿.  然後Daddy去拿啤酒,我和他一人一大杯(500ml). 食物都好味, 炆牛肉特別好味, 右上角的牛肉湯亦好濃好好味. 不過, 我們眼濶肚窄,再加上大大杯啤酒, 我連這碟都吃不完了. 

囝囝們也吃了很少, 食物都好味的, 但這種腸仔豬手等真的不能多吃.

場內有一隊band表演, 唱的都是德文歌, 很country style 的感覺, 還有小朋友跟着音樂行(玩? 跳舞? 不知道正確說法), 好熱鬧, 好有氣氛.

場內還有bouncy castles給小朋友玩, 囝囝們當然不放過.  玩完後又食慾大開, 再食多一轉.


雖然是buffet, 但也有餐牌的.



 原來Swiss Club 每年都有辦Oktoberfest 的, 開放給公眾參與的, 只需買票入場即可.  我們星期日去入場卷包食物 (大人S$28, 小童S$19), 但飲品要另外買coupon (S$55一本, 每本十張), 食物好抵, 飲品相對就好貴.  好彩我們付的是特價, 忘了多少, 總之便宜一截.

一邊吃, 詩班的朋友就一邊whatsapp說他們準備了生日歌和蛋糕給我, 於是我吃飽後就撇下父子們回教會練詩了.  只是簡單的一首生日歌, 一個小蛋糕, 但很窩心, 能夠和他們一同事奉真的很幸福啊.

今年的生日也很有紀念性, 因為那天早上是我第一次正式指揮詩班.  雖然沒多少天份, 也沒從小學音樂, 由十五年前不會看譜, 不會聲樂, 節奏感欠奉, 到現在可以看譜, 學了聲樂, 節奏感進步了, 現在還可以出來指揮, 真的要感謝神給我機會, 給我恩賜.  師母說過: "恩賜是你越用, 神就越給予的." 一點也沒錯.



12 comments:

  1. Replies
    1. 啲嘢食好正宗, 同我响德國食過啲一樣.

      Delete
  2. 全部肉類,真係唔食得多

    ReplyDelete
    Replies
    1. 都有些少菜, 但唔多. 佢啲冷盆沙律都係有肉既.

      Delete
  3. AMEN.... you can DO IT.... with God's Grace <3 !

    ReplyDelete
  4. Replies
    1. 好正宗, 同我响德國食嗰啲無分別.

      Delete
  5. 生日快樂!!你那個應該是啤類似酒節呢~

    ReplyDelete
  6. 生日快樂!~~~我以前好期待生日~家下就唔想lu~~唔想老~哈哈哈~

    ReplyDelete
    Replies
    1. 不過睇住小朋友大都唔可以唔認老囉.

      Delete

Related Posts Plugin for WordPress, Blogger...