Friday 14 July 2017

首爾親子自由行-Day2下

09.06.2017

食完午餐, 我們就去慶熙大學參觀. 上年十一月和妹妹去慶熙大學, 剛好遇着紅葉季節, 影相勁靚. 所以今次也帶三父子去欣賞這充滿歐陸色彩的校園.

哥哥午餐食到不滿足, 天氣又熱, 所以沒心情影相.  細佬就仍然好開心地擺甫士影相.  這張是在圖書館門外影的, 也是今次在慶熙大學影的唯一一張相.



當我們正要去教堂行上樓梯時, 我, Daddy和細佬行在前面, 哥哥在我們後面.  突然啊一聲, 我們擰轉頭就見到哥哥由樓梯跌落地, 整個人瞓在地上. 我們立刻衝去睇, 有幾個學生離遠見到亦衝上前幫忙. 我問他哪裏痛, 他可能受驚了, 不會答, 只是身體在發抖.  後來有個女學生見到他的頭在流血, 地上有一灘血.  於是拿了Daddy的手帕來按在頭上幫他止血.  其實我根本看不到傷口在那裏.  那女學生幫我們打電話叫救護車, 另外兩個男學生就幫他估檢查, 以確認沒跌傷脊骨.

救護車不久就來了, 我陪哥哥上救護車, 校園內的保安園就帶Daddy和細佬步行去醫院. 好彩慶熙大學有附屬醫院, 坐車幾分鐘就到了.   為免引起不安, 就不放上受傷的相了.

我陪哥哥入急症室, Daddy就和細佬在外面waiting room等.  那時真的好擔心要留醫, 還想着可能要找我認識的幾個韓國教授幫忙.

急症室內是這樣的, 哥哥多了個韓文名, 是他們直接按讀音拼出來的.  後來才知道原來急症室內不能影相.  醫生檢查後決定要幫囝囝照CT scan, 看看頭骨有沒有裂和有沒有內出血.  醫護人員只能操基本英文, 一直說因為是小孩, 照CT有風險, 要家長自行決定要不要照.  問他們甚麼風險又說不清楚.  唯有越洋打電話給醫生朋友問個明白, 感恩當時醫生朋友沒有當值, 可以即時聽我電話.  朋友解釋完後, 覺得心安好多.  最後就照了CT scan, 感謝神, 骨沒裂也沒出血, 算是皮外傷, 把傷口縫合即可出院.

我以為會縫針, 原來是用醫用釘書機來釘, 釘時沒打麻醉的, 見到都覺痛, 囝囝喊到癲!

下面這張相是回到新加坡去拆釘前影的, 傷口已癒合, 所以他才這樣cool地用手機.


其實韓國的醫療(至少急症)真的非常有效率, 只需兩個小時就照完CT, 洗傷口, 釘釘, 包紥, 拿葯和出院.  這傷口包紥方法亦非常特別, 只是用棉紗蓋在傷口上, 再用頭髪來固定.

外國人的醫藥費當然會比本地人貴一截, 這次急症收費是676,800 won (~HK$4,682, S$822).  新加坡醫生朋友說這收費好合理, 因為CT scan本身都已經幾貴.  另外每兩日要返去洗傷口換紗布, 總共去了兩次, 星期日收費92,460 won (~HK$640, S$122), 星期二收費84,270won (~HK$583, S$102).  所以在韓國的醫療費合共幾乎六千港幣, 好彩我有買旅行保險, 全數可以claim回, 早兩日已經收到保險公司的支票了.

所以去旅行買旅行保險是非常, 非常, 非常重要! 一定, 一定, 一定要買旅保!




本來要去高速巴士轉換站shopping 的, 但囝囝這樣子, 唯有先回apartment休息.  有人趁機咋嬌要食炸雞, 就去便利店買兩片炸雞給他定定驚啦. 食炸雞前還在嗌痛, 食完炸雞後食消炎藥和止痛藥後就好好多了.

在apartment休息一會後, 又出動去食晚餐.  為了安慰有人的受傷身體和心靈, 和彌補午餐時的無啖好食, 所以要食多多肉的烤肉.

今次去我第一次去首爾時食過的朝鮮烤肉, 由弘大站一號出口直行至交通燈, 過馬路轉右便到了.



五年後再來這間韓燒, 所有配菜都一模一樣, 生菜沙律和洋蔥沙律都好好味.  今次帶着囝囝們較混亂, 就沒有好好影相了.  有興趣的可以睇我的舊post.

今次叫了兩款牛肉(忘了是什麼), 一份豬腩肉和一份調味豬五花肉.

這裏的牛肉好像是韓牛來的, 牛味濃, 燒完仍然嫩滑.  阿珠媽會定時過來幫手烤肉.


這裏的抽油煙系統不錯, 而且天花可以開的, 食完都不會有一朕油煙味.  這裏有中英文的餐牌也有會講中文的阿珠媽.

有肉食就開心了

跟餐的大醬湯好足料, 有牛肉粒的, 好濃味, 微辣.  我們四個人就送了兩碗, 結果我一個人食晒兩碗, 盡量將湯料食晒, 湯就無辦法飲完了.


調味五花肉, 爽口的, 正呀!

我見阿珠媽正忙着, 於是自己將豬腩肉放在烤網上.  阿珠媽見到即刻衝過來將腩肉夾起, 原來豬腩肉不能用網燒, 要用這種烤盆的.

三仔爺一人一碗白飯, 隨飯送上一盒紫菜, 可以用來包飯食.  我就無食飯, 留肚食冷麵.  這裏的冷麵我幾鐘意, 食完肥膩的烤肉再食凍冰冰酸酸甜甜的冷麵感覺可以消濟.  食前忘了影相, 上枱時個樣靚好多的.   這餐埋單82,000won, 可以用信用卡的.


食飽飽就去弘大商圈逛逛, 星期五晚的弘大勁熱鬧, 好多街頭表演.


還有攤位遊戲.


當然炸雞和烤肉都未足以定經, 還要食埋甜品才夠.  帶他們去弘大的Cafe de Paris, 讓至愛芒果的哥哥食芒果bon bon.  可惜, 當日沒有芒果bon bon, 只有cherry和另一款生果(忘了, 不是士多啤梨), 所以哥哥叫了杯朱古力, 細佬就要抹茶latte, 我和Daddy就食cherry bon bon.  車厘子勁甜呢, 好耐未試過一口氣食咁多粒車厘子了. 好奇怪, 囝囝們都不肯食車厘子的, 再甜都唔制.   三杯盛惠28,000won.




11 comments:

  1. 好彩只係皮外傷,不過,見到都好心痛呀!

    ReplyDelete
  2. 嚇親呀,旅遊時有受傷真係心情不安呀。

    ReplyDelete
    Replies
    1. 嗰日真係無乜心情, 不過之後我哋都照原定計劃玩, 只係食嘢方面有啲就住.

      Delete
  3. Replies
    1. 咁重要我都唔記得寫添, 詳細價錢已經補寫了, 總共花了差唔多六千港紙.

      Delete
  4. 嘩~真係嚇死呢~沒打麻醉.....實好痛~心痛死~

    ReplyDelete
  5. 好彩見到最後張相.. 笑返... ^_^
    其實係點樣跌到??
    當時一定好不安... 但又多一個經歷... 外國人在韓國睇醫生貴嗎?

    ReplyDelete
    Replies
    1. 其實我哋都唔知佢點跌到, 我哋行佢前面, 所以見唔到, 事出突然佢自己都唔知點解, 但應該係踩錯腳喎. 一路都叫佢行樓梯要扶扶手, 係都唔聽.
      外國人去邊度睇醫生都係貴架啦, 已經加咗詳細價錢喺文中, 總共花了大概六千港紙, 不過旅行保險全數claim得返.

      Delete

Related Posts Plugin for WordPress, Blogger...