小學詩詞美術展

12.11.2016

出發去首爾前一日, 即星期六, 本來節目已經排得密麻麻.  朝早要去街市買餸, 因為只係我一個人去旅行, 要儲定糧給三仔爺. 電工九點半來整燈(浴室燈壞了), 裝修公司十一點來傾裝修細節, 兩點我要返教會開會.

忙到氹氹轉時, 細佬才告訴我們當日他的小學在圖書館有個詩詞美術展, 十二點到兩點, 他說他班的作品有展出, 一定一定要去.  十二點半傾完裝修, 匆匆食個午餐再去圖書館轉一圈.

以為只是小二的作品, 去到才發現原來主角是小六生寫的詩和插圖, 小二作品只是作陪襯放在一個角落.  即係哥哥應該知道, 但他從沒提過, 因為他完全沒興趣.

細佬的性格和哥哥完全相反, 老師的話, 哥哥永遠當耳邊風, 細佬就當做聖旨, 一定跟到足. 小二的美術品是用paper mache 做成的各樣動物, 細佬班的是做雀仔.

之前某個星期四夜晚十一點幾, 細佬突然拍醒我, 喊住咁話: "媽咪, 我唔記得做art project!"  我問幾時要交, 佢話下星期二.  嗄, 仲有成個weekend 喎, 駛乜咁緊張呀!
我: "OK OK, 我weekend 幫你手一齊做啦."
細佬: "我驚整唔切呀, 要痴四至五層紙呀, 我的漿糊唔夠呀, 嗚嗚嗚....."
我: "放心啦, 整得切架, 我聽日放工就去買漿糊啦. "

最尾成品就係咁嘞.

當然唔夠靚啦, 所以唔係展品之一.  展出的作品好可愛架.

雖然自己作品無被展出, 但細佬遇見同學仔同老師, 算做交咗差, 所以都好開心.