Tuesday, 11 October 2016

2015年12月Bali Club Med (2)

2015.12.07

到埗check in 後就先去食午餐. 因為已過了主餐廳Agung 的用餐時段, 所以要去另一間近海灘的The Deck食. The Deck 是間有侍應服務的餐廳, 餐牌上有前菜, 主菜, 甜品, 每樣有幾款選擇. 全日都可以去食, 但晚餐就要先訂位. 雖說全日可以嚟食, 但如果下午茶時段想嚟, 個餐牌都係一樣, 無小食提供的, 無理由下午茶都食個炒飯或者大大個漢堡吧. 

吞拿魚他他


印尼炒飯配沙爹, 好差, 啲炒飯好濕好似食爛飯咁. 

烤魚配炒飯, 魚還好, 炒飯又係一pat pat 的. 
小朋友一定鐘意的漢堡和薯條. 

其中一款甜品, 其實主餐廳的自助餐裏都有同款甜品, 不過呢度有擺盆靚啲. 

食完午餐就先hea 下, 周圍行下視察環境.  這裏是主酒吧Kintamani, 圓形的建築, 在泳池旁, 陣陣海風吹嚟, 都好舒服.  不過, 啲飲品就認真麻麻, 任飲任食的不能要求太高. 
酒吧旁短暫時間有小食供應, 注意只係短暫, 即係當你想揾嘢食時, 咁啱就會無, 同埋啲小食完全唔吸引.
酒吧內有人唱歌, 好聽. 
囝囝們當然要去游水, 游完水再打陣乒乓。
返房沖完涼, 又到晚飯時間, 要去試主餐廳的自助餐. 泳池旁樓上就是主餐廳. 
記得以前去Bintan Club Med主餐廳每晚都有唔同主題, 亦都會有不同的dress code. 但Bali的沒有主題, 所以自助餐完全沒特色. 

生蝦他他
中式撈麵, 我自己整仲好食. 
選擇困難呀, 因為真係無樣吸引. 
每晚都有表演, 但感覺Bali 的和Bintan 的差好遠, GO們跳舞完全唔掂, 無passion無energy, 根本炒唔熱氣氛, 成個show悶到爆. 
唯一有看頭就只空中飛人和雜耍, 然後幾晚的表演基本上都係靠呢兩樣撐起. 

返房準備瞓覺, 細佬臨瞓前好認真寫日記, 但好秘密唔俾我哋睇. 


10 comments:

  1. 我未去過bali,我爸媽上年去過一次。佢地話,酒店係好大,但係野食唔好食,有時係直頭難食,但係唔平!
    睇左兩篇,有一感想:你租呢間房好好呀!自己都可以休息!!
    我其實成日在FB都會見到朋友帶兩個小朋友去旅行。好似好開心,但其實在我心底係,如果係我,可能唔會enjoy。因為4個人都係一張大床,點瞓(汗)其實就算係小學生,我都覺得頂唔到。如果要咁,可能我唔會去旅行。
    但係我見到你呢間房,真係覺得好好!讚!

    ReplyDelete
    Replies
    1. 終於知道點解你個留言唔見咗啦, 原來俾blogger掟咗去spam 度呀.
      以前大仔仲細時, 我哋就會book 有king size bed 的房, 到有咗細仔後就book 兩間房或者一間房但有king bed同single bed, 再唔係就book apartment, 我覺得既然去得旅行就係要去嘆下relax下, 如果仲要屈蛇既, 我寧願唔去啦. 我同細妹去旅行都係盡量訂兩張床架, 瞓得舒服啲第二日去行街shopping 都開心啲嘛. 其實我都識朋友一家四口都會逼一張床, 我接受唔到囉.

      Delete
  2. Replies
    1. 其實只係寫佢當日玩咗啲乜啫

      Delete
  3. <3 I love mommy, I love daddy. So happy we are on holiday again XD XD.

    ReplyDelete
    Replies
    1. haha, no, he just wrote down what he has done that day

      Delete
  4. 細佬真係好神神祕祕喎,有啲似考試驚隔離枱抄自己答案咁

    ReplyDelete

Related Posts Plugin for WordPress, Blogger...