Friday, 7 October 2016

2015年12月Bali Club Med (1)

每次去完旅行, 我都會好想即刻寫blog分享, 想趁仍然記得時寫低, 以後可以再回味.

上年年尾的Bali Club Med之旅, 我卻沒甚動力去寫, 因為真係幾失望. 不過, 始終都去過, 都係有開心好玩的時候, 都係寫寫來做記念, 亦都給你們作參考.

全程最正就係沒下過雨, 藍天碧海, 好靚!

上次去Bintan Club Med坐船就到, 今次要坐飛機.  訂房時安排了Club Med 來接機. 過了海關拿了行李後, 就見到大堂, 但有欄杆隔住, 不過就見到好多來接機的人.  我們到處張望去找Club Med 職員, 找了很久才找到, 他示意我們在外面等. 跟着人群向前走, 才發現原來還要經過免稅店才能出外, 我還了第一次去過機場要逼人去行免稅店.  由免稅店出來後, 又要再重新揾Club Med 職員, 好煩. 去Bintan就方便得多, 碼頭就有Club Med office, 唔駛揾.

揾到Club Med 職員後, 又要再繼續等另一個家庭, 等來等去, 機場又無冷氣, 大家都有點不耐煩.  最後全部人到齊就行去坐專屬巴士.  車程好像是20還是30分鐘. 去到後就有三, 四個GO 來迎接.  Welcome的過程感覺和Bintan 差好遠, 很冷清.

我們的是interconnecting rooms, 一間有大床, 另一間兩張單人床, 房間是很典型的印尼木材風格.


好大的衣櫃, 裏面有保險箱. 門口旁還有一張小床, 不知道用來做什麽, 我們用來放袋和雜物.

我們一入房打開保險箱就見到有一個信封, 裏面有一叠Krisflyer 的禮卷, 總值幾百星元, 應該是上手住客不小心留下的. 雖然禮卷上印了名, 但似乎用的時候不用身份證明的.  我們本來想拿去reception, 叫他們還給上手住客.  但又怕他們會自己拿去用, 最尾決定帶回新加坡再郵寄去Krisflyer office, 叫他們還給物主, 希望最後有物歸原主啦.



房都算幾大, 還有個大露台, 不過這地方有馬騮的, 我們都不敢開住露台門, 最多只是用來晒衫.

浴室有齊洗頭水, 番梘, 沐浴露和body lotion.

最大問題是淋浴間真的好細, 只可以一個人入內, 即係如果有小朋友需要大人幫沖涼的, 就要開住門, 然後水會彈到大人同個地濕晒. 還未識企的BB就真的不知道應該點沖了.

而個Rain shower 亦都係我好討厭的. 我和Daddy房裏的更是有問題, 一開水製rain shower 同hand held shower 同時都會出水, 係無辦法令到只有一個地方出水. 本身我好憎用rain shower, 仲要因為兩個出口出水, 所以水壓就好低. 打電話去reception 叫佢揾人嚟整, 之後我哋去食lunch同玩, 五個鐘後返到房居然無人嚟過整. 又再打多一次, 今次係個鬼妹GO聽, 我要重複好多次佢先明我講乜, 明明我講緊英文架喎. 第一日到就攪到我好忟. 之後終於有幾個人嚟整, 佢哋係着住好污糟的鞋行入房裏面整, 離晒譜. 攪咗一陣就話整好, 我再試, 無分別! 我放棄再叫人整, 四日三夜都喺囝囝們間個浴室沖涼.

最攪笑係第二朝我哋食完早餐返房又有到幾個人嚟話要修理花酒喎, 仲俾張order我睇.  可能因為我打咗兩次電話, 於是reception 落咗兩次orders, 就出現兩組人嚟整, 可見佢哋做嘢係幾咁亂吖.

除咗個shower ,  我哋房裏面個電話都係壞的, 不過後來整番好.

其實Club Med Bali 環境唔錯, 下面是其中一座房間, 旁邊有荷花池.

池裏面有好大條的monitor lizard, 囝囝們睇到嘩嘩聲. 

Club Med Bali 比Club Med Bintan 大好多, 感覺無咁逼.  但其實設施都是大同小異, 只是每個地點距離較遠 (好遠!),  每次由餐廳食完嘢行返房同去打波射箭等都要經過長長的走廊, 行到腳軟.

所以如果一早計劃好當日節目, 可以先將所需用品執好入袋, 食早餐時帶去, 就唔駛又要返房拎.

呢篇到此為止, 下篇再續.

13 comments:

  1. 鬼妹GO唔一定識英文喎,佢可能係講俄文嘅呢我估.

    ReplyDelete
  2. Replies
    1. 係呀, 間唔中睇返回味下都好.

      Delete
  3. 其實上手留底D野在房內我已經感到有D亂,而且感覺會唔係幾好... 因為直接聯想到間房冇徹底整理好,上手人有D野留響度... 哈哈, 不過可能係我無聊,諗埋一邊... ^_^

    ReplyDelete
    Replies
    1. 呢樣又有啲難怪佢哋, 因為只係個信封, 我唔仔細睇可能都睇唔到, 仲要喺夾萬入面.

      Delete
  4. 天氣好好!我下個月都去旅行呢

    ReplyDelete
    Replies
    1. 去邊呀? 係咪小B第一次去旅行呢?

      Delete

Related Posts Plugin for WordPress, Blogger...