回港的匆匆的三日

回來新加坡兩個幾星期了, 好想快點寫好遊記, 但真的好忙好忙. 

下星期又去旅行了, 所以公司裏一大堆工作都要趕着完成, 有project趕, 還踫上一年一度最頭痕的日子(appraisal), 簡直忙到無氣透.

十一月十日飛了返香港, 陪香港家人三日, 然後和兩個妹妹去日本北九州玩一個星期, 回港一晚再趕回來陪囝囝過生日.

兩年沒回港了, 但此行只有三日, 所以除了陪家人外, 只約了三位好友見面.

朋友貴精不貴多, 能交心的朋友我只有幾個.  其中一個是中二的同班同學, 廿幾年來都一直保持聯絡, 每次回港都會約見面.  我們這次約了食下午茶, 沒留意餐廳名, 但綠茶甜品相當可口.

妹妹的朋友從美心以員工價訂了大大隻大閘蟹, 超級無敵好味呀!  媽咪買的石班更是新鮮嫩滑, 回香港吃海鮮是最大享受!

美國回來的妹妹每日都吵着要食粥(因為她家的鬼佬鬼仔都不吃粥),於是其中一朝就到附近的粥店(沒記錯叫粥皇)食早餐. 粥好大碗, 好好味. 妹妹想食腸粉, 我想食油炸鬼, 兩樣都叫, 結果食唔晒.  始終覺得連鎖粥舖總係差少少,這餐食物只算合格, 油炸鬼好像是翻炸過, 好油又有點硬.

回港篤魚蛋是指定動作吧.  那晚下着雨, 我都行了幾條街去買回家吃.  魚蛋超辣但好好味, 魚肉燒賣都好正! 囝囝們都好鐘意食魚肉燒賣, 所以我都帶了兩大包回來.

現在媽咪都不煮飯, 除了食細妹工人煮的住家飯外, 就是在外揾食.  好彩屋企樓下就有好幾間餐廳, 其中一晚就食泰菜, 真心學得麻麻, 但大件夾抵食.

臨飛回新加坡的早上, 美國妹妹又說要食粥做早餐, 於是一行七人浩浩蕩蕩去食粥.  這間粥舖不是連鎖店, 多粥款揀外, 還比粥皇便宜.  炸兩勁好味!  希望這種街坊小店可以繼續維持, 全部變成沒特色的連鎖店就太可惜了.