Tuesday 28 March 2017

撞手神的馬卡龍

馬卡龍這樣甜品, 食譜材料都好簡單, 但就是有一點點出竅門要注意, 至少理論上.

最重要就是攪拌過程, 要知道幾時可以停, 攪拌過頭, 蛋白漿會太瀉, 拌得不夠, 又會太挺身, 馬卡龍出來表面不平滑.  據個人經驗, 要攪拌到蛋白漿拎起時會好似慢慢瀉下, 留下痕跡, 好似整海綿蛋糕時打起的全蛋, 亦都好似整戚風時好似ribbon的樣子.

另一重點就是一定要等到表面乾, 不黏手才入爐, 馬卡龍才不會裂, 裙邊才會出來.

基本上就是這樣, 但實際做時其實好睇當日手神.

十二月時細佬突然說要食馬卡龍, 於是整了一盆.  本來是芒果味和士多啤梨味, 但芒果buttercream整多了, 所以變成全部都是芒果味.  呢次好成功, 又靚又好味.



入爐前好靚仔的, 除了中間那一點不小心掉下的蛋白漿.  用了專門做馬卡龍的矽膠墊, 上面已畫好一個個圓形, 非常方便.


好快就出裙邊, 見到就開心.


最近又因為整fruit tart剩下蛋白要消滅, 於是又整了.  摷雪櫃時見到有一小包不知道放了多久的榛子粉, 好, 就整hazelnut macaron, 用榛子粉代替杏仁粉.  做了一盆一半是榛子粉, 一半是杏仁粉加可可粉.  當日可以較潮濕, 等了兩個鐘表面都未乾, 趕住出街照入爐, 所以就全部都爆面.  既然咁醜樣, 求其整個ganache做饀就算, 不過雖然核核突突, 但又好好味喎, 表面好鬆化, 大力少少拎起都會碎, 但裏面又有些少煙韌, 榛子味尤其正, 好似食緊金莎咁. 下次一定要再買榛子粉再整靚仔啲.



12 comments:

  1. Replies
    1. 好睇彩數, 有時靚, 有時唔靚.

      Delete
  2. 我未玩過呢個添。搵日要試試。

    ReplyDelete
  3. 收到的人,一定好開心呢,自己整的甜度比較啱口味。

    ReplyDelete
    Replies
    1. 整俾囝囝哋食架咋, 無真係送俾人, 但有俾朋友同事試, 佢哋話無外面賣嗰啲咁甜.

      Delete
  4. 這個我一啲都唔敢食,對我來講太甜啦,減糖減太多又唔得,成家只有女女叫做食下,算啦。Yours look so pretty

    ReplyDelete
    Replies
    1. 我响啲饀度減糖, ganache用黑朱古力整, 芒果饀唔加糖, 所以無咁甜.

      Delete
  5. Replies
    1. 多謝呀! 呢樣嘢好奇怪, 當我想整到靚靚送俾人就一定會樣衰衰, 諗住求其整自己食, 就鬼咁靚, 吹漲.

      Delete
  6. 整得好靚呀~~出街食嗰d我覺得好甜呢~!

    ReplyDelete

Related Posts Plugin for WordPress, Blogger...