Monday, 13 February 2017

小小美男廚房

上星期日, 我家少爺們負責煮晚餐, 我可以印印腳等食飯, 幾爽!

哥哥本身對食好有興趣, 但對煮就無咩興趣.  但今年中一開始要上家政堂, 上星期的那堂要整漢堡包, 老師會逐個評分.  因為會有食譜照住整, 漢堡扒不會出錯, 最難將會是煎的部份, 因為哥哥仍然好驚煎嘢時會彈油.  所以上星期日就決定先給他練習煎漢堡扒.  我好懶, 只買了現成的漢堡扒來煎.

唉, 睇哥哥拿鑊鏟的姿勢就知佢平時有無煮嘢食啦.  煎頭兩塊時我要在旁幫手, 後來的兩塊佢就自己攪掂.


晚餐唔想食包, 所以漢漢堡煎完當餸.  就咁放四塊啡色物體在碟上好難睇, 索性也教囝囝擺盆.  臨時洗其片生菜和一些車厘茄做個沙律, 上碟就靚得多.



細佬見哥哥入廚房玩, 佢又要煮埋一份. 佢只識煮一樣嘢, 就係炒蛋.  佢堅持連打蛋都要自己做, 唔俾姐姐幫手.


細佬好細個就入廚房幫手, 所以拿鑊鏟姿勢純熟, 炒餸時都功架十足.


炒完蛋, 連菜都煮埋, 不過只係烚油菜.


 這就是囝囝們的作品了, 好味, 最緊要唔駛我煮.


14 comments:

Related Posts Plugin for WordPress, Blogger...