天津(2): 衛鼎軒, 遊船河

26.05.2016

朝早八點會議正式開始, 於是七點半去食早餐, 即係六點幾要起身, 勁眼瞓.

雖然是五星級酒店, 早餐自助式的, 但不知是否我本身太攰無胃口, 總覺得無樣啱胃口.

午餐也是自助餐, 菜式和新加坡平常的到會食物差不多, 而且兩日都是一模一樣的菜式, 有些更明顯是早餐食剩的.

晚宴在衛鼎軒舉行. 

網上資料: 天津卫鼎轩是一座中欧建筑风格相结合的宅邸，是原北洋政府总统曹锟的故居。酒楼在菜品的原料上精挑细选，由私家菜的顶级厨师打理，在菜品风格上独树一帜，口味上香甜细腻。

我對民國歷史認識少, 都無聽過曹錕呢個名. 這座樓其實是他的四姨太的故居. 外面的庭院幾靚, 不過我無機會慢慢睇.

又是滿桌食唔完的食物, 見到都覺得浪費. 食物方面仍然唔覺得特別, 不過比前一晚在狗不理食的好味.

四小碟滷味之類, 左上角的扣肉只見到肥膏, 好驚嚇.

 

片皮鴨, 但一早片好, 凍的, 所以唔好食.

 

當地似乎好鐘意用餅皮來包食物, 上有面有片皮鴨, 前一晚有餅皮包紫菜, 下面是餅皮包炸蝦仔. 炸嘢我無興趣, 無食.

我估係牛肉, 食唔出係乜.

食完飯後就去坐船遊天津河. 本來唔想去, 但因為晚宴不是在開會的酒店, 他們安排大巴接載, 所以食完飯就要跟大隊上大巴去遊船河. 之前問天津來的同事河上有什麽好看的, 佢都話唔知有乜好睇.

上船地點

我們坐的同款船

原來是來睇橋, 沿着河有好多條橋, 船上導遊逐條介紹, 不過無論她說普通話或英文我都只聽得明一半, 一來口音問題, 二來船上廣播唔太清楚.

其中一條橋上有個大摩天輪, 郁緊的, 但好慢, 亦唔覺有人坐緊.

這條是老翻巴黎的一條橋(我去過, 但忘了橋名), 導遊亦大言不慚話係老翻的.

遊完船河回到酒店, 再為第二日會議做準備, 幾乎半夜才有得瞓.  日日早起遲瞓, 好彩我帶定涼茶包, 未至於熱氣病倒.

第二日下晝五點會議完結, 有兩組人來邀約晚餐, 但我話頭痛要返房休息全都推卻. 一入房即刻輕鬆晒, 終於唔駛應酬, 可以早啲瞓.

打電話叫了韓式炆牛肋骨, 自己在房裏食, 是整個天津行最好味的一餐. 大大碗飯我平時只會食一半, 但這晚太開心可以獨處, 竟然成碗KO了, 飽到上心口.

內地的食物始終較油膩, 我腸胃受不了, 每日都覺得腸胃咕嚕咕嚕好多氣.

九點鐘上床瞓覺, 才發現原來酒店lobby夜晚是有live music的, 但每間房的門口都面向lobby, 所以幾嘈. 不過我實在太攰了, 一樣瞓得着.

以為一覺瞓天光再坐早機離開, 一切都似乎好順利.  但我太天真, 最驚嚇的居然是臨飛前, 不知是有人太熱情還是另有企圖. 詳情不便透露, 總之最後都平安離開, 但就嚇餐飽, 以後我都唔想再去大陸開會.