Wednesday 23 March 2016

舊衣變身

上星期是這裏學校的term break, 有一個星期假.  囝囝們放假我就最開心, 不用每日放工回家陪温書做功課, 輕鬆好多.

星期六朝早七點廿分, 全屋人都仍在夢中, Daddy的手機突然響起.  然後Daddy即刻彈起, "Oh no!".  嚇得我吖, 原來哥哥那天有校際scrabble比賽, 要七點三回校報到.

這種特別活動都是Daddy來負責的, 所以我跟本沒在意.  Daddy居然完全忘記了, 好彩學校打他的電話而不是我的, 因為我每晚都熄手機的.  於是三扒兩撥叫醒囝囝, 擦牙洗面換校服, 早餐就打包在車上食.  Daddy直接送囝囝到比賽場地, 剛好趕得切.

下晝Daddy帶細佬去學琴, 之後去接哥哥再去打golf.  於是我就有一個下晝獨處的時間.

哈哈, 難得的自己時間, 要好好利用. 先去搓包, 待麵團發酵時就把衣車抬出來車衫.

前一晚翻衣櫃, 見到這條以前在網上買, 但只着了一次的裙.  這條裙的吊帶是背外交叉的, 但吊帶本身縫得不好, 我自己修改過, 仍然無法令上身貼服.  而且有點露背, 要特別着nude bra才可以, 太麻煩了.  本來打算丟掉, 後來想不如把它改成半截裙, 不要浪費嘛.


裙是有內襯的, 又有拉縺, 所以多一重功夫.  為了那條拉縺, 我還第一次用zipper foot, 好成功, 好開心呢.
效果很好, 可惜最近肥了, 腰有點緊, 要減肥才能穿.
改開有癮, 又找來這條淘寶買的連身褲.  其實這件沒問題的, 着上身也ok, 只是因為是長褲, 這邊天氣熱, 平時出街都不想着長褲, 太熱, 所以這件很少機會着.
改成短褲, 就可以casual着了, 舒服好多呢. 我人矮都係着短褲好睇啲.

10 comments:

  1. 你好鐘意花花圖案?

    ReplyDelete
    Replies
    1. 唔會特別鐘意, 咁啱呢兩件都係花花.

      Delete
  2. 你手工咁好,這樣改一改可以好環保。

    ReplyDelete
    Replies
    1. 着得唔好嘥, 我好多時都會諗下啲舊衫可以點改再着返.

      Delete
  3. Replies
    1. 哈哈, 邊係呀, 樣樣都馬馬虎虎.

      Delete
  4. 好勁呀!!!!!!!!!!
    完全唔覺得係改過, 特別係條裙!
    我呢,連釘褸都唔識,改少少野都要俾錢人改,有時覺得好貴。好想學,但都唔知從何學起。泣

    ReplyDelete
    Replies
    1. 其實我覺得基本針紙每個人(男同女)都要識少少, 好有用的. Youtube有好多video教人針紙架, 由最基本的到好複雜的都有, 你去睇睇啦, 以後唔駛下下都要俾錢人改嘛.

      Delete

Related Posts Plugin for WordPress, Blogger...