儍婆敗家記

今個月LC慶祝90週年, 每星期都推出一款煲做特價. 上星期五至日就輪到26cm 橙紅色(flame) marmite, 每個銷售點只限賣九個.

如果等到星期六去買, 會不會給賣完呢?
這儍婆就決定星期五下晝請半日假專程去買煲!

滿心期待去到LC 專櫃, 打開蓋, 居然是白裡的!!!! 我要的是黑咪, 但黑咪沒特價!  為什麽之前不問清楚呢?!  好白痴呀!!!!

白白浪費了半日假, 實在太唔甘心.  難得去shopping, 總不能空手而回嘛.  LC你唔賺我錢, 慳了的錢我去買化妝品.

事緣前一晚在Bugis+ 的Sephora見到一盒Tarte 的How sweet it is胭脂唇膏組合, 顏色好靚, 價錢亦算平. 不過, 考慮到第二日要買煲, 還是不要亂花錢了, 拎起摸完又放低.

去買LC的那商場內都有Sephora, 但居然沒賣.

太黑仔了吧, 煲買不成, 連化妝品也沒有. 

開車去Plaza Singapura, 那裏的Sephora也沒有, sales說賣完了.

我一定要買到你!

於是儍婆決定坐巴士去Bugis+ (Plaza Singapura泊車最平), 但又上錯車要行大段路.

但皇天不負有心人, 終於給我買到了.  架上只剩下兩盒, 可能是全新加坡的最後兩盒, 我兩盒都買了, 一盒自用, 一盒送朋友.  S$20一盒.

左邊唇膏, 右邊胭脂.  唇膏其實似有色潤唇膏, 搽上唇非常濕潤, 但好淺色.  胭脂就好靚, 掃上臉上是很自然的淡粉紅色, 大愛呀!