Thursday 22 June 2017

首爾親子自由行-Day1

六月頭兩個星期我一家去了馬來西亞和首爾, 所以好耐無寫blog.

馬來西亞的是四日三夜的教會生活營, 兩年一次, 只是聽講座和教會活動, 馬來西亞的渡假酒店只是普普通通, 不值一提, 所以馬來西亞行就不寫遊記了.

上年十一月和妹妹去首爾玩, 哥哥見到相後也嚷着要去. 於是趁六月學校假期一家人去旅行.

每個family trip 我都是last minute 才來計劃的, 六月八號飛, 正正五月八號晚才在Daddy的催促下訂機票和住宿, 好彩在限韓令下住宿仍有大把選擇. 因為和囝囝們去住apartment 會較便宜和方便, 所以今次我們從Airbnb 訂了一個有閣樓的apartment, 地點就在首爾站對面, 極方便.

八號早上八點半坐星航機, 下晝三點幾就到仁川機場.  因為住宿就在首爾站, 可以坐機場快線(AREX), 43分鐘車程再過條馬路就到apartment 了.  坐AREX又舒服又快, 比機場巴士快好多, 還便宜一大截.

記得五年前坐星航去首爾, 在飛機上有兩餐食, 所以到埗時不會餓.  但今次只食了一餐早午餐, 落機都開始覺餓.  放低行李就快快出發去食晚餐. 我讓哥哥二選一: 豬腳或生蠔菜包肉.  哥哥選了生蠔菜包肉, 因為他想食三層肉.

今次同樣去了將軍生蠔菜包肉(장군굴보쌈), 坐地鐡去鐘路三街十五號出口, 行入藥房旁的小巷, 再轉右, 就是一整條的生蠔菜包肉一條街.  其實成條街上所有食店都一樣賣生蠔菜包肉(굴보쌈), 如果不是和囝囝們去, 我會試將軍以外的食店.  不過和囝囝們去不宜冒險, 還是去食過覺得好味的.  地點和餐牌上次有詳細介紹過, 有興趣請參考舊post.

哥哥見到有豬腳又想食, 於是叫了半份豬腳半份三層肉. 好大碟肉, 中間有泡菜和醃蘿蔔, 生蠔另外放在右邊的小碟上.  中間那碟是辣炒魷魚, 今次的炒魷魚較失色, 因為不是現炒, 已經凍了, 沒上次的香, 雖然仍然好味.



右下角的那碟炒魚板好好味, 不辣的, 細佬狂食, 添完再添.  哥哥專注食肉, 細佬就食飯食魚板和那碟炒魷魚裏的洋蔥 (不吃魷魚啊).


好多生蠔, 大隻又鮮味, 食得好滿足.


還有跟餐的薯仔排骨湯, 辣椒醬另上的, 食辣的可以自己加入湯裏, 我們當然是沒加啦. 排骨應該煮了很久, 湯頭非常濃, 排骨亦都好淋, 用筷子輕撥就可以骨肉分離.



這餐全家都食得好滿足好開心, 幾乎全部掃清, 三父子還一人一碗白飯.  豬腳拼生蠔生層肉+三碗白飯和一支馬格烈酒, 埋單46,000won.  這餐廳又地道又抵食, 我大力推薦呀, 不過因為是地道小店, 只收現金.

食飽飽後要做點運動, 帶他們由鐘路三街站行去乙支路三街站, 給他們看看沿路上的傳統大牌檔. 那條街叫돈화문로, 不知道中文名是什麼.

然後去南山塔.  去南山塔有不同方法, 我上次去是坐巴士的, 夠平.  坐地鐡到忠武路站二號出口Daehan Cinema外面的巴士站坐2號或5號巴士就能到, 那巴士站好易揾的. 另一個大部份人會用的方法是坐南山纜車, 貴好多好多, 我個人覺得唔值得特別俾錢坐, 因為纜車上都好逼人, 企着中間的其實唔多望到外面的景色, 而且上到南山都可以一樣望到同樣的首爾夜景嘛.

不過, 今次Daddy話一場嚟到, 囝囝哋坐纜車會開心啲.  OK, 兩大兩細來回纜車盛惠28,000won.  去坐南山纜車最近的地鐡站是明洞, 明明在網上見到人坐電梯舒舒服服咁去纜車站, 但因為我未坐過纜車, 亦無細仔記得路線, 所以只坐到明洞站就跟着站內的指示和街上的指示行, 大概就是下圖紅色路線, 沿路都是斜坡, 跟住行樓梯才到.  請記得要去紫色圈圈的南山電梯坐電梯上去呀!


細佬行到索晒氣.

纜車上好多人, 我們一家幾乎最後幾個上車, 所以被逼在中間, 無辦法影到相.

上到南山後影的首爾景觀.


好多好多鎖, 我從來不會欣賞這玩意.

傍晚時的南山塔.  本來Daddy說要上南山塔, 當然又要再俾錢.  但囝囝們興趣不太, 況且那夜景又真的沒什麼特別, 最後都無上.


回程坐纜車先上車, 霸到窗邊位, 但其實太黑用手機都影唔到啲乜.

落山時就醒目坐電梯, 第一次坐這種透明電梯, 好得意.


南山上會有點涼, 記得帶件薄外套.



10 comments:

  1. 好多鎖!我記得星星喺到取景

    ReplyDelete
    Replies
    1. 我諗好多戲都有喺呢度取景.

      Delete
  2. it looks so yummy. When I saw M's post, wa, so scared at first. Thank God all is well .

    ReplyDelete
  3. 如有機會再去首爾,我一定要向你攞BnB 的資料。

    ReplyDelete
  4. 睇來你已經好熟路😂
    其實蠔上面D醤係辣的嗎?😳

    ReplyDelete
    Replies
    1. 去咗咁多次, 依家坐地鐡都唔多駛睇地圖都知要搭邊條線.
      蠔上面係辣醬, 但唔多辣, Daddy唔食辣都食到.

      Delete

Related Posts Plugin for WordPress, Blogger...